​​Ўзбекистонда тухум экспортига тақиқ қўйилгани ҳақидаги хабарга раддия берилди

​​Ўзбекистонда тухум экспортига тақиқ қўйилгани ҳақидаги хабарга раддия берилди

Ижтимоий тармоқларда Ўзбекистонда тухум экспортига тақиқ қўйилгани тўғрисидаги хабарлар тарқалганди. Ветеринария ва чорвачиликни ривожлантириш давлат қўмитаси ҳолатга муносабат билдирди.

Қайд этилишича, блогер Баҳодир Аҳмедов Telegram’даги каналида «Тухумга тақиқ: бош вазир йиғилиш баённомаси, асл таклиф берганлар маълум» сарлавҳали пост жойлаштирган. Унда бир қатор вазирликлар божхонадан 1 апрелгача тухум ўтказмаслик таклифи билан чиққани, бунинг бошида Ветеринария қўмитаси тургани айтилаётгани келтирилган.

Қўмита бунга жавобан қуйидагиларни маълум қилган:

«Тухум экспорти бўйича тадбиркорларга оғзаки ёки ёзма тақиқ қўйилмаган. Шунингдек, тадбиркорлар тухум импорт қилувчи мамлакатларнинг меъёр ва тартибларига мувофиқ экспорт қилишлари учун қўмита томонидан чеклов ўрнатилмаган».