Ўзбекистонда яна 7 кишида коронавирус аниқланди

Ўзбекистонда яна 7 кишида коронавирус аниқланди

2020 йил 15 май соат 10:00 ҳолатига кўра, Ўзбекистонда коронавирус инфекцияси қайд этилганлар сони 2652 нафарни ташкил қилмоқда. Бу ҳақда ССВ хабар бермоқда. 

Беморларнинг 3 нафари хориждан келиб, карантинга олинган, қолган 4 нафари ҳам олдиндан карантин муассасаларида кузатувда бўлган фуқаролар орасидан аниқланди.

3 нафар фуқаро 9 ва 13 май кунларида Тожикистондан келган ва карантинга олинган. 

Айни пайтда юртимизда 2136 нафар фуқаро коронавирус инфекциясидан бутунлай соғайди. Ҳозирда мамлакатимизда даволанаётган 505 нафар бемордан 8 нафари оғир аҳволда.