Пентагон Кобулдаги ҳужум учун узр сўради

Пентагон Кобулдаги ҳужум учун узр сўради

АҚШ Мудофаа вазирлиги жорий йилнинг 29 август куни Афғонистон пойтахти Кобулда амалга оширилган авиазарба хато бўлганини тан олди, дея хабар бермоқда «Evronews».

Ўша ҳужумда тўққиз киши ҳалок бўлган, уларнинг аксари болалар эди. Маълум бўлишича, ҳалок бўлганларнинг террорчиларга ҳеч қандай бўлмаган, айни пайтда Вашингтонда қурбонларнинг яқинларига товон тўлаш масаласи кўриб чиқиляпти.

«Бу зарба бизнинг кучлар ва аэропортдаги одамлар учун хавфни бартараф этишига чин дилдан ишонган эдик. Лекин бу хато эди. Мен самимий узр сўрайман», – деди АҚШ Марказий қўмондонлиги раҳбари Фрэнк Маккинзи.

Аввалроқ Пентагон дронлар ёрдамида амалга оширилган ўша ҳужумни Кобул аэропортида камида 200 кишининг умрига зомин бўлган терактга жавоб бўлганини ва ҳужумда ИШИД террорчилари нишонга олинганини айтган эди.