Пиёдалар учун янги турдаги ўтиш жойлари ташкил этилади

Пиёдалар учун янги турдаги ўтиш жойлари ташкил этилади

Президент фармони билан 2022−2025 йилларда Ўзбекистонда жамоат хавфсизлигини таъминлаш тизимини ривожлантириш стратегияси тасдиқланди. Унга мувофиқ қуйидагилар кўзда тутилмоқда:

йўл ҳаракати хавфсизлиги қоидаларини мунтазам равишда қасддан бузувчиларга, оғир оқибатларга олиб келган йўл-транспорт ҳодисаларини содир этганларга нисбатан жавобгарлик чораларини кучайтириш, шу жумладан транспорт воситасини бошқариш ҳуқуқидан узоқ муддатга маҳрум қилиш;

«Йўл — пиёда учун» тамойилини кенг жорий этиш;

қониқарсиз ҳолати ЙТҲга, айниқса ўлимга олиб келган йўл ёки муҳандислик-коммуникация инфратузилмаси объектлари тасарруфида бўлган ташкилотлар ёки орган раҳбарларидан моддий зарарни ундириш тартибини жорий этиш;

пиёдалар учун янги турдаги ўтиш жойларини ташкил этиш;

шаҳар ва туманларнинг аҳоли гавжум жойларида пиёдалар йўлакларига пиёдалар бошқарадиган светофорлар ўрнатиш;

жамоат ва махсус транспорт учун алоҳида ҳаракатланиш йўл полосаси ва замонавий велосипед йўлкаларини ташкил этиш.