Айни пайтда Тошкент беш ташаббус ҳаракатининг иккинчи куни доирасида Халқ таълими вазири Шерзод Шерматовнинг ёшлар билан очиқ мулоқоти бўлиб ўтмоқда. Вазир учрашув аввалида савол-жавоблар расмиятчиликлардан холи ўтиши тарафдори эканини таъкидлаб, ҳар қандай саволга жавоб беришга, таклифлар бўлса эшитишга тайёрлигини билдирди. Бу ҳақда «Халқ сўзи»  хабар берди.

Учрашув давомида мактабларда физика, математика дарсларида синфни иккига бўлиб ўтиш, шунингдек, муваффақиятга эришган мутахассислардан мастер класс ташкил этиш таклифи берилди.

«Мен чиндан ҳам бунга қарши эмасман, лекин бу нарсалар ҳаммаси маблағга боғлиқ. Масалалар менга, синфларда 35та эмас, 24та ўқувчи бўлсин дейишади. Қанийди қўлимдан келса! Элементар ҳисоблаб кўрсак, биргина шу ишни амалга оширишнинг ўзига бир ўқув йили учун қўшимча 9 трлн. сўм керак бўлар экан. Физика ва математикани бўлиб ўқитишга ҳам камида 5-6 трлн. кетади, менимча. Бюджет чеклангани учун ҳаммасини бирданига амалга ошириш имконсиз.

Муваффақиятга эришган мутахассислар билан очиқ мулоқот масаласига келсак, бунга ҳеч қандай чеклов йўқ», деди Халқ таълими вазири.