Қашқадарё вилояти ҳокимининг ўринбосари 3 ойлик маошини давлатга қайтариб беради

Қашқадарё вилояти ҳокимининг ўринбосари 3 ойлик маошини давлатга қайтариб беради

Қашқадарё вилоят ҳокимининг ёшлар масалалари бўйича ўринбосари Рустам Йўлдошев ташкилий масалага эътибор қилмагани учун 3 ойлик иш ҳақини давлатга қайтаради.

Вилоят ҳокимлиги хабарига кўра, мактабгача таълим бошқармаси фаолиятига бағишланган танқидий йиғилишда вилоят ҳокими Зойир Мирзаев барча туман мактабгача таълим бўлими раҳбарларини вазифасидан озод этиб, 3 ойлик синов муддатида вазифасини бажарувчи этиб тайинлаш таклифини ўртага ташлаган.

Қайд этилишича, вилоятда 1694 та мактабгача таълим ташкилоти бор. Уларда талон-тарожлик ва нотўғри харажатлар ортган:

▪️2019 йил: талон-тарож - 248 млн сўм, нотўғри харажат - 21 млн сўм;

▪️2020 йил: талон-тарож - 326 млн сўм, нотўғри харажат - 120 млн сўм;

▪️2021 йил биринчи чораги: талон-тарож 412 - млн сўм, нотўғри харажат - 205 млн сўм.