Қашқадарёда ота ўз ўғлини темир бўлаги билан уриб, ўлдирди

Қашқадарёда ота ўз ўғлини темир бўлаги билан уриб, ўлдирди

Қашқадарёда ота маст ҳолатда ўз ўғлини темир бўлаги билан уриб, ўлдириб қўйди. Бу ҳақда вилоят ИИБ Матбуот хизмати хабар берди.

Аниқланишича, жорий йилнинг 24 августидан 25 август кунига ўтар кечаси соат 00:00 да вилоятнинг Чироқчи тумани “Тарағай” МФЙда яшовчи А.Б. спиртли ичимлик истеъмол қилиб, яшаш уйига келган.

Шу вақтда уйда маст ҳолда бўлган ўғли А.Б. билан ўзаро оғзаки тортишиб, жанжаллашиб қолган. Жанжал натижасида, А.Б. ўғли А.Б.ни темир бўлаги билан бир неча маротаба уриб, унга тан жароҳати етказган. 

Оғир тан жароҳатлари олган ўғил А.Б. 25 август куни соат 03:00 да яшаш уйида вафот этган.

Мазкур ҳолат юзасидан А.Б.га нисбатан ЖКнинг 104-моддаси (қасддан баданга оғир шикаст етказиш) 3-қисми “д” банди билан жиноят иши қўзғатилиб, у ЖПКнинг 221-моддаси тартибида ушланган.

Ҳозирда дастлабки тергов ҳаракатлари олиб борилмоқда.