Қибрайда беш кишини шафқатсиз равишда ўлдирган 24 ёшли қотил бир умрга қамалди

Қибрайда беш кишини шафқатсиз равишда ўлдирган 24 ёшли қотил бир умрга қамалди

Июль ойида Тошкент вилояти Қибрай туманида бир оиланинг тўрт аъзоси (ота, икки қизи ва ўғил) ҳамда уйда ишлаган қурувчини ўлдирган Ш. И.га (1997 йилда Андижон вилоятида туғилган) нисбатан суд ҳукми ўқилди. Бу ҳақда Олий суд матбуот котиби Азиз Обидов хабар қилди.

Ш. И. Жиноят кодексининг 25,97-моддаси 1-қисми, 97-моддаси 2-қисми “а”, “в”, “г”, “ж”, “р” бандлари, 119-моддаси 2-қисми “г” банди, 130-моддаси 2-қисми “а” банди, 140-моддаси 2-қисми ва 219-моддаси 1-қисмида назарда тутилган жиноятларни содир этганликда айбли деб топилди.

И. Ш. га Жиноят кодексининг 59-моддаси (бир неча жиноят содир этганлик учун жазо тайинлаш) 4-қисми тартибида умрбод озодликдан маҳрум қилиш жазоси тайинланиб, жазони махсус тартибли колонияларда ўташ белгиланди.