Россия ўзбек тўқимачилик маҳсулотларининг асосий харидорига айланди
23.06.2022 08:31,
57
2022 йилнинг январь-май ойларида Ўзбекистондан тўқимачилик маҳсулотлари экспорти ҳажми 1,3 миллиард долларни ташкил этди, бу 2021 йилнинг шу даврига нисбатан 23 фоизга кўпдир, дея хабар беради Давлат статистика қўмитаси.
Экспорт таркибида пахтадан калава ип – 736,7 миллион доллар, тайёр тикувчилик – 322,2 миллион доллар ва трикотаж газлама – 118,2 миллион доллар асосий улушга тўғри келади. Шу даврда Ўзбекистон 65 давлатга 469 турдан ортиқ тўқимачилик маҳсулотларини етказиб берди.
Асосий харидор Россия бўлди – 454,6 миллион доллар, Туркия ва Хитой – мос равишда 278,6 миллион ва 193,7 миллион доллар.