Россияда пандемия бошидан буён бир суткада рекорд даражада одам вафот этди

Россияда пандемия бошидан буён  бир суткада рекорд даражада одам вафот этди

Россияда ўтган бир кеча-кундуз давомида 1211 киши коронавирус оқибатида вафот этди. Бу ҳақда мамлакатнинг COVID-19 га қарши кураш бўйича федерал тезкор штабига таяниб, «РБК» хабар берди.

Бу коронавирус пандемияси бошлангандан бери Россияда қайд этилган мутлақ максимал кўрсаткич. Аввалги энг кўп ўлим ҳолатлари 5 ноябрь куни кузатилган, ўшанда 1192 киши COVID-19 дан вафот этган.

Россия Федерацияси таркибига кирувчи 85 та ҳудудда ўтган суткада яна 39 160 кишида коронавирус аниқланган.

COVID-19 билан кунлик касалланиш ҳолатлари бўйича етакчи ҳудудлар:

  • Москва — 5287 киши;
  • Москва вилояти — 2818;
  • Санкт-Петербург — 2680;
  • Самара вилояти — 1783 йил;
  • Қрим Республикаси — 803 киши.