Самарқандда аёл ҳокимлик биноси олдида ўзига ўт қўймоқчи бўлди
26.06.2021 16:15,
218
Самарқанд вилояти ҳокимлиги биноси олдида аёл ўзини ёқиб юбормоқчи бўлди. Бу ҳақда EVERYDAY.UZ хабар қилди.
Маълум бўлишича, фуқаро қурилиши битмаган уйи бузилишга тушгани учун шундай қилмоқчи бўлган. Таъкидланишича, ушбу ҳолат Самарқанд туман прокуратураси биносида муҳокама қилинган. Муҳокамада вилоят прокурори ўринбосари ва бошқа мутасаддилар иштирок этган.
Унинг якунига кўра, аёлнинг қонунга зид равишда қурилган уйи бузиладиган бўлди ва фуқарога субсидия асосида уй-жой бериш тўғрисида хулоса қилинган.