Самарқанд вилояти ИИБ ЖҚБ Уюшган жиноятчиликка қарши кураш бўлими ҳамда ДХХ ходимлари ҳамкорлигида Самарқанд шаҳри ва Паст Дарғом туманларида орадаги келишмовчиликларни “разборка” орқали ҳал қилмоқчи бўлган гуруҳлар қўлга олинган.
Вилоят ИИБ хабарига кўра, тезкор ходимлар томонидан Самарқанд шаҳрида бир гуруҳ шахслар ўрталаридаги ўзаро келишмовчиликни жанжал орқали ҳал қилмоқчилиги тўғрисида тезкор маълумот олинган ва ушбу гуруҳларнинг оммавий жанжал қилишининг олди олинган.
Шунингдек, Паст Дарғом туманидаги Жума шаҳри ҳамда "Арабхона" маҳаллаларида яшовчи 15 нафар спортчи томонидан “Самарқанд-Жума” йўналишидаги автошоҳбекатни зўравонлик ва ўзбошимчалик билан ноқонуний равишда эгаллаш мақсадида “разборка”, яъни кўча йўли билан ҳал қилиш мақсадида йиғилган вақтида қўлга олиниб, уларнинг фаолиятига чек қўйилган.