Ўзбекистон Республикасининг янги сайланган президенти Шавкат Мирзиёевнинг инаугурация маросими шу йилнинг 14 декабрь куни бўлиб ўтади.
Бу қарор Сенатнинг 13 декабрда бошланган мажлисида қабул қилиниши кутилмоқда.
Эслатиб ўтамиз,Ўзбекистон Республикаси Конституциясининг 92-моддасига биноан, Президент Ўзбекистон Республикаси Олий Мажлиси йиғилишида қуйидаги қасамёдни қабул қилган пайтдан бошлаб ўз лавозимига киришган ҳисобланади:
“Ўзбекистон халқига садоқат билан хизмат қилишга, Республиканинг Конституцияси ва қонунларига қатъий риоя этишга, фуқароларнинг ҳуқуқлари ва эркинликларига кафолат беришга, Ўзбекистон Республикаси Президенти зиммасига юклатилган вазифаларни виждонан бажаришга тантанали қасамёд қиламан”.
Қонунда президентлик вазифаларини бажаришга киришиш учун икки ойлик муддат кўрсатилган.