Ўзбекистон Республикаси Президенти Шавкат Мирзиёев “Сирил Мюллерни Ўзбекистон Республикасининг “Дўстлик” ордени билан мукофотлаш тўғрисида“ги фармонга имзо чекди.
Фармонга кўра, Жаҳон банки гуруҳи билан Ўзбекистон Республикаси ўртасидаги кўп қиррали ва самарали ҳамкорликни шакллантириш ва ҳар томонлама мустаҳкамлашга, банк-молия, солиқ-бюджет, қишлоқ хўжалиги ва бошқа соҳалардаги туб ўзгаришлар жараёнига қўшаётган шахсий ҳиссаси, Ўзбекистоннинг халқаро нуфузини ошириш йўлидаги улкан саъй-ҳаракатлари ҳамда Марказий Осиёда дўстлик, яхши қўшничилик ва ўзаро манфаатли шерикликни чуқурлаштиришга қаратилган ташаббусларни фаол қўллаб-қувватлаётгани учун Жаҳон банкининг Европа ва Марказий Осиё минтақалари бўйича вице-президенти Сирил Мюллер Ўзбекистон Республикасининг “Дўстлик” ордени билан мукофотланди.