Ўзбекистон Президенти Шавкат Мирзиёев Туркиянинг шарқидаги Ван музофотида юз берган қор кўчиши оқибатида кўплаб инсонлар қурбон бўлгани ва жароҳатлангани муносабати билан Туркия Президенти Режеп Таййип Эрдоғанга ҳамдардлик билдирди. Бу ҳақда Президент матбуот хизмати хабар берди.
Эслатиб ўтамиз, кеча Туркия шарқидаги Ван музофотида қор кўчиши юз бериб, 33 киши ҳалок бўлди.
Қор кўчиши Ван - Боқчасарой трассасида юз берди. Бу пайтда трассада қор тозаловчи машина ишлаётган бўлган. Кўчки қор тозалагич машинани ва унинг ортидан келаётган микроавтобусни суриб кетган. Микроавтобуснинг 4 йўловчиси ҳалок бўлган.
Йўқолган 2 микроавтобусни қидириш операцияси пайтида яна қор кўчган. 5 та автомобилни қор босган. Яна 50 киши қор остида қолган.