Шимолий Корея АҚШ ва унинг иттифоқчиларини кузатиш учун сунъий йўлдошларни учирмоқчи

Шимолий Корея АҚШ ва унинг иттифоқчиларини кузатиш учун сунъий йўлдошларни учирмоқчи

Шимолий Корея АҚШ ва унинг иттифоқчиларининг ҳарбий ҳаракатлари ҳақида реал вақт режимида маълумот бериш учун келгуси йилларда бир қатор разведка сунъий йўлдошларини учиради. Бу ҳақда пайшанба куни давлат матбуоти етакчи Ким Чен Инн маълум қилди. 

Шимолий Корея Миллий аерокосмик ривожланиш бошқармасини кўздан кечирар экан, Ким ўтган йили эълон қилинган беш йиллик режа даврида “кўплаб” ҳарбий разведка сунъий йўлдошлари қуёш билан синхрон қутб орбитасига чиқарилишини айтди, дея хабар беради КCНА давлат ахборот агентлиги.

“У ҳарбий разведка сунъий йўлдошини ишлаб чиқиш ва ишлатишдан мақсад КХДР қуролли кучларини АҚШ империализми агрессив қўшинлари ва унинг Жанубий Корея, Япониядаги вассал кучлари томонидан унга қарши амалга оширган ҳарбий ҳаракатлар тўғрисида реал вақт режимида маълумот бериш эканлигини таъкидлади.

Мутахассисларнинг таъкидлашича, Шимолий Корея разведка сунъий йўлдошини учиришга тайёрланаётган кўринади, бу ядровий қуролга эга мамлакатнинг қурол синовлари каби баҳсли бўлиши мумкин, чунки улар бир хил тақиқланган баллистик ракета технологиясидан фойдаланади.

Шимолий Корея 27-феврал ва 5-март кунлари сунъий йўлдош тизимларини икки марта синовдан ўтказганини маълум қилди. Жанубий Корея, Япония ва Қўшма Штатлар маъмуриятлари синовлар баллистик ракеталар учирилиши билан боғлиқлигини айтди.

Бу учирмалар халқаро норозиликларга сабаб бўлди ва АҚШ армияси пайшанба куни Сариқ денгизда кузатув кучайтирганини айтди.