✔️Мариуполдан шу кунгача 68 мингдан ортиқ одам, Украинанинг хавфли минтақаларидан бир суткада 19 мингдан зиёд одам эвакуация қилинган.
 
✔️Макрон Путин билан телефон орқали Украина атрофидаги вазият, жумладан, Россия ва Украина вакиллари ўртасидаги музокаралар жараёни ҳақида гаплашди.
 
✔️Польша президенти Анжей Дуда 1997 йилда Парижда тузилган муносабатлар, ҳамкорлик ва хавфсизлик бўйича Россия-НАТО фундаментал акти ўз фаолиятини тўхтатганини айтди.
 
✔️АҚШ президенти Жо Байден бугун Европага жўнаб кетади, у ерда НАТО ва G7 етакчилари саммитида иштирок этади. Сафардан асосий мақсад – Ғарбнинг Украинадаги вазиятга кейинги реакциясини келишиб олишдир. 
 
✔️Украина президенти Владимир Зеленский Россия билан музокаралар ҳақида: “Музокаралар қийин, баъзида жанжалли кечмоқда, аммо қадамма-қадам олдинга силжиш бор ”.
 
✔️АҚШ сенаторларининг икки партиядан иборат гуруҳи Ғазначилик департаменти билан Украина атрофидаги вазият муносабати билан Россиянинг қарийб 132 миллиард долларлик олтин захираларини музлатиш устида ишламоқда, деб хабар бермоқда Axios ахборот портали.

✔️Украина атрофидаги вазият муносабати билан Қўшма Штатлар иттифоқчи ва ҳамкорлари билан Россияни G20 дан чиқариш масаласини ўрганмоқда, деди АҚШ президентининг маслаҳатчиси Жейк Салливан.