"Соққа қилиш" бош мақсад эмас, деган гапларга ишонгимиз келади..."- Расул Кушербаев

   Судга мурожаат қилишда давлат божи тўлашдан озод этилган ташкилотлар ҳақида гап кетганда кўпинча Савдо саноат палатасининг тутадиган йўли кўз олдимга келади. Аслида тадбиркорларнинг ёнини олиб, ҳимоя қилиши керак бўлган ушбу ташкилот кўпинча ўзига аъзолик бадали тўлайдиган - тижорат банкларининг ёнини олиб бошқа тадбиркор ёки фермерларни судга беради. Шу йўл билан банклар судга давлат божи тўлашдан озод бўлишади. Банклар учун палата билан алоқа қилишда энг асосий омил ҳам шу бўлса керак ўзи.  Бироқ палатага судларга даъво киритишда давлат божидан озод қилиш ҳуқуқининг берилиши унга пул тўлаётган аъзосининг ёнини олиб, иккинчи тадбиркорни суд орқали "бурнини ишқалаб қўйиш" учун берилмаган. Ушбу имтиёз давлат идораси билан тадбиркор ўртасида зиддият бўлганда тадбиркорни суд орқали ҳимоя қилиб чиқиш учун берилган. Ҳар қалай мен шундай, деб ҳисоблайман. Бу имтиёзларни ҳам қайта кўриб чиқиш керак ўзи. Чунки айтилаётган ва қилинаётган ишлар бир бирига мос бўлиши зарур.  Хуллас "соққа қилиш" бош мақсад эмас, деган гапларга ишонгимиз келади, қолгани ҳаммани виждонига ҳавола.