Сўх туманида ИИБ ходимига тан жароҳати етказган фуқарога жиноят иши қўзғатилди
23.03.2022 10:57,
62
Фарғона вилояти Сўх туманида 2022 йилнинг 17 март куни туман ИИБ ҲПБ профилактика инспекторлари М.Ғ ва Т.Илар ЙПХ инспектори Г.М. билан бирга "Ровон" МФЙ ҳудудида хизмат олиб бораётган вақтида ҳайдовчи Н.С бошқарувидаги "Neхia-3" русумли автомашина ИИБ ходимлари томонидан тўхтатилган. Ҳайдовчи Н.С маст ҳолда профилактика инспекторлари Т.И ва М.Ғ.ни ҳақорат қилиб улардан бирига тан жароҳати етказган.
Мазкур ҳолат юзасидан Жиноят кодексининг 277-моддаси 3-қисми “г” банди (безорилик) билан жиноят иши қўзғатилиб, суд томонидан “қамоққа олиш” тарзидаги эҳтиёт чораси қўлланилган.