Сурхондарёда аёл ўзи ва фарзандларини каналда чўктирмоқчи бўлди

Сурхондарёда аёл ўзи ва фарзандларини каналда чўктирмоқчи бўлди

Сурхондарё вилоятининг Музработ туманида аёл ўзи ва фарзандларини сувга ташламоқчи бўлди.

Сурхондарёда аёл 20 октябрь куни соат 9:30 атрофида ўзи ва фарзандларини сувга ташлаш мақсадида "Занг" канали бўйига келади. Оиладаги муаммолар аёлни шундай мудҳиш жиноятга ундайди. Аммо унинг нияти амалга ошмай қолган.

Яқин атрофни назорат қилиб юрган ички ишлар ходими Бобомурод Арноқулов аёлнинг ҳаракатларидан шубҳаланиб, унинг ёнига боради. Мақсадини билгач, вазиятни юмшатишга, бундай ишни қилмасликка даъват қилади. Ана шундан сўнг аёл бу фикридан қайтади.

Қайд этилишича, ҳозирда ушбу ҳолат юзасидан терговга қадар текширув ҳаракатлари олиб борилмоқда.