Ташқи ишлар вазирлиги расмий вакилининг ахбороти

Ташқи ишлар вазирлиги расмий вакилининг ахбороти

Ўзбекистон Республикасининг Қозоғистондаги Элчихонаси ва Бош консулхоналари ушбу мамлакат ҳудудидаги Ўзбекистон фуқаролари, жумладан талабалар билан доимий алоқада бўлиб турибди.

Ўзбекистоннинг Қозоғистондаги дипломатик ваколатхоналари одатдаги тартибда фаолият юритмоқда. Зарур ҳолатда Ўзбекистон фуқароларига ҳуқуқий ёрдам кўрсатилмоқда.
Шу билан бирга Қозоғистоннинг айрим ҳудудларида фавқулодда ҳолат эълон қилиниши муносабати билан ушбу мамлакатда бўлиб турган Ўзбекистон фуқароларидан жорий этилган вақтинчалик чекловларга риоя қилишларини сўраймиз.

Зарурат туғилганда ҳамюртларимиз Ўзбекистон Республикасининг Нур-Султон (телефон: +7 771 020 36 73), Алмати (телефон: +7 777 950 44 33) ва Ақтау (телефон: +7 777 599 00 51) шаҳарларидаги дипломатик ваколатхоналарига мурожаат қилишлари мумкин.