Жорий йилнинг 5 май куни Термиз шаҳридаги “Алпомиш” кураш мажмуаси томининг бир қисми қулаб тушган. Ҳолатга Қурилиш вазирлиги расмий муносабат билдирди.

Қайд этилишича, Термиз шаҳри Алпомиш маҳалласи Навбаҳор кўчаси 1-уй манзилида жойлашган “Алпомиш” кураш мажмуаси биносида содир бўлган техноген тусдаги фавқулодда вазият жойида кўриб чиқилганда қуйидагилар аниқланди:

- кураш залининг умумий майдони 2800 кв.метр бўлиб, ҳозирги кунда кураш зали томининг бир қисми бузилиб, ерга қулаб тушган (таҳминан 1700 кв.метр);
- кураш залининг том қисми мураккаб конструктив ечимли бўлиб, “Кисловодск” типидаги фазовий металл конструкциялардан фойдаданилган;
- бузилган том қисми яроқсиз ҳолатда;
- кураш зали биноси 1999 йилда қурилган.

Таъкидланишича, кураш мажмуаси ходимлари соғлиғига ҳеч қандай зарар етмаган.