Тошкент давлат техника университетида эркак ўзини бешинчи қаватдан ташламоқчи бўлди
15.02.2022 17:23,
187
15 феврлаь куни Ислом Каримов номидаги Тошкент давлат техника университетида эркак ўзини бешинчи қаватдан ташлашга уринди. Ҳодисани Тошкент шаҳар ИИББ матбуот хизмати «Газета.uz»га тасдиқлади.
Таъкидланишича, интернет тармоқларида тарқалаётган хабарларда ўзини бешинчи қаватдан ташламоқчи бўлган эркак ушбу университет ходими сифатида кўрсатилган.
Бироқ, эркак университет ходими эмас, шу олий таълим масканидаги қурилишда ишлаган, 40 ёшдан ошган ёлланма ишчи эканлиги айтилмоқда. Эркак маошини ололмагани сабабли, ўз норозилигини шу тарзда намойиш этишга уринган.
Ҳодисадан хабар топган Олмазор туман ИИБ ФМБ бошлиғи Маҳкам Вафоев воқеа жойига бориб, эркак билан музокаралар ўтказган ва уни пастга тушишига ёрдамлашган.