Жорий йилнинг 17-19-апрел кунлари Тошкент шаҳрида Ўзбек жанг санъати бўйича тарихда илк бор Осиё чемпионати ўтказилади. Бу ҳақа Жисмоний тарбия ва спорт вазирлиги матбуот хизмати хабар бермоқда.
Мусобақада қитъамизнинг 10 дан зиёд мамлакатларидан 500 нафарга яқин спортчи иштирок этади. Турнир пойтахтимиздаги “Ўзбекистон” спорт мажмуасида бўлиб ўтади. Шунингдек, ушбу мусобақа доирасида янги ташкил қилинаётган Осиё Ўзбек жанг санъати федерациясининг таъсис мажлиси ҳам бўлиб ўтиши режалаштирилган.
Маълумот учун, Ўзбек жанг санъати спорт тури 2009 йил 14 апрел куни Адлия вазирлигида рўйхатдан ўтган.
Ўзбекистон Ўзбек жанг санъати федерацияси ушбу спорт турини “ЮНЕСКО” номоддий-маданий мерослар рўйхатига киритиш йўлида амалий саъй-ҳаракатлар олиб бормоқда.