Тошкент шаҳарида янги дренаж тизими босқичма босқич жорий қилинмоқда. Бу ҳақида Тошкент шаҳар ҳокимлиги матбуот хизмати хабар бермоқда.

Янги тизим ердан бир метр пастда жойлашади ва у мавжуд «лоток»ларнинг остидан ўтади. Ушбу тизим Россия ва Канада каби давлатларда қўлланади.

«Биз қўшимча захира қудуқларини ҳам қуряпмиз. 5 метр чуқурликдаги қудуқлар кучли ёғингарчилик пайтида сув тортиб кетиш учун ёрдамчи куч бўлади. Бу тизим ўтган йили Мирзо Улуғбек туманида қурилганди ва у ўзини оқлади», — дейди қурилиш корхонаси раҳбари Аветик Овсепян.

Эслатиб ўтамиз, ўтган йили қиш-баҳор мавсумидаги ёғингарчиликлар натижасида шаҳар автобуслари ичигача сув кириб борганди. Бу эса, кенг омма норозлигига сабаб бўлган эди. Жўжани кузда санаймиз.