Жорий йилнинг 1 январь куни Тошкент шаҳрининг Шайхонтоҳур туманида бир нечта йигитлар йўлнинг ўртасида "огнетушитель"ни портлатишган эди. Натижада, 3 нафар фуқарога тан жароҳати етган эди. 

ЖИБ Шайхонтоҳур тумани судида мазкур ҳолат бўйича 8 нафар шахсга нисбатан суд иши кўриб чиқилди.

“Тўртта бармоғим синганди. Битта бармоғимни олиб ташлашган. Энди кейинги операцияда пай билан нервларни улашади. 55 кун даволандим. Судланувчидан биттаси моддий ёрдам кўрсатди. Ҳеч кимдан даъвойим йўқ. Судга ҳавола қиламан”, - дейди жабрланганлардан бири.

Қайд этилишича, судланувчиларнинг энг каттаси 25 ёшда, энг кичиги эса 19 ёшда.

Суд ҳукмига кўра, 5 нафар судланувчига нисбатан 4 йил озодликдан маҳрум қилиш, 3 нафарига эса 4 йил муддатга озодликни чеклаш жазоси тайинланди