Тошкентдаги боғчада ўттиз нафарга яқин бола овқатдан заҳарланганми? Расмий муносабат берилди

Тошкентдаги боғчада ўттиз нафарга яқин бола овқатдан заҳарланганми? Расмий муносабат берилди

Ижтимоий тармоқларда Миробод туманидаги боғчалардан бирида ўттиз нафарга яқин бола овқатдан заҳарланиб, даволанаётгани ҳақида маълумот тарқалди.

Санитария-эпидемиологик осойишталик ва жамоат саломатлиги хизматининг Тошкент шаҳар бошқармаси Миробод туман бўлими ва туман мактабгача таълим ташкилоти раҳбариятининг қайд этишича, бу каби ҳолат Миробод туманида мутлақо юз бермаган. 

 Тошкент шаҳар 5-сон юқумли касалликлар шифохонаси, Pеспублика ихтисослаштирилган эпидемиология, юқумли ва паразитар касалликлар  илмий-амалий тиббиёт марказининг Вирусология илмий тадқиқот институти клиникаси,   Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт марказидан олинган расмий хабарда ҳам 29.04.2022 санасида "Ўткир деарея ва овқатдан захарланиш" ташхиси билан МТМлар томонидан мурожаатлар бўлмаган.