Шаҳрисабз туман ҳокими Самад Ҳасанов Туркиянинг "Art Deco Design" компанияси раҳбарияти билан учрашган.
Туман ҳокимлиги Матбуот хизматига кўра, мулоқот давомида туркияликлар билан "Улоч" МФЙ Қани қишлоғида экотуризм зонасини ташкил этиш ишлари муҳокама қилинган. Келишувларга кўра, Қани қишлоғининг ҳушманзара жойларида енгил конструкцияли экотуризм зоналари ташкил этилади. У ерда кемпинглар ва дам олиш чодирлари қурилади.
Туркиялик инвесторлар билан ҳамкорликда туманда жами 11 та экотуризм лойиҳаси амалга оширилади. Лойиҳаларнинг умумий қиймати 114 миллиард сўмни ташкил этади