UFC президенти Дейна Уайт россиялик жангчи Ҳабиб Нурмагомедов ҳамда америкалик Тони Фергюсон ўртасидаги жанг ўтказилиши мумкин бўлган санани эълон қилди. Бу ҳақда BJPenn.com хабар бермоқда.

Ташкилот раҳбари сўзларига кўра, бу жанг келгуси йилнинг март ойида ўтказилиши кутилмоқда. Унинг сўзларига кўра, барча ишлар ўша кунни мўлжаллаб ташкиллаштирилмоқда.

Эслатиб ўтамиз, Нурмагомедов ва Фергюсон ўртасида тўрт маротаба жанг ўтказилиши режалаштирилган, бироқ турли сабабларга кўра бирорта жанг ўтказилмаган.