Ўзбекистон Республика товар-хом ашё биржасида 10 июнь куни биринчи навли ун нархи ой бошидан буён 10 кун ичида 0,7 фоизга ўсиб, 4,5 миллион сўмни ташкил этди, деб хабар бермоқда Қишлоқ хўжалиги вазирлиги матбуот хизмати.
1 июндан 10 июнгача 74,4 минг тонна ун ким ошди савдосига қўйилган бўлиб, ушбу даврда ўртача кунлик сотилган ун ҳажми 9,3 минг тоннани ташкил этди.
«Ой бошида биржада 8,3 минг тонна биринчи навли ун сотилган бўлса, 10 июнь ҳолатига кўра ушбу нав 9,2 минг тоннага ёки 11,0 фоизга (915 тонна) кам сотилган», — дейилади хабарда.
Июнь ойининг биринчи ўн кунлигида уннинг ўртача нархи бир тонна учун 4,6 миллион сўмга етди. Минимал қиймати 4,5 миллион сўм, максимал қиймати 4,7 миллион сўм.