Фирибгарлик билан уй-жой учун ер сотмоқчи бўлиб, 81 млн сўм олган фермер ушланди

Фирибгарлик билан уй-жой учун ер сотмоқчи бўлиб, 81 млн сўм олган фермер ушланди

Норинда 3 нафар фуқаронинг 81 млн сўм маблағини қўлга киритган фермер хўжалиги раҳбарига нисбатан жиноят иши қўзғатилди. Бу ҳақда Ўзбекистон Республикаси Бош прокуратураси жамоатчилик билан алоқалар ва ҳуқуқий ахборот бўлими бошлиғи Ҳаёт Шамсуддинов хабар қилди.

Бош прокуратура ҳузуридаги Департаментнинг Норин тумани бўлими томонидан фуқаро А.нинг туманда фаолият кўрсатувчи “А-О” фермер хўжалиги раҳбари Т.Р.нинг хатти-ҳаракатларидан норози бўлиб, ёзган мурожаатига асосан ўтказилган терговга қадар текширувда,  фермер хўжалиги раҳбари Т.Р. фуқаро А. ва яна 2 нафар фуқароларнинг ишончига кириб, уларни алдаб, “Катта Ўлмас” массиви ҳудудидаги хўжаликнинг суғориладиган экин ер майдонлари ҳисобидан уларга уй-жой қуриш учун ер ажратиш ва ҳужжатларни расмийлаштириб бериш эвазига 81 млн. сўм пул маблағларини қўлга киритганлиги аниқланган.

Шунингдек, текширув давомида фермер хўжалиги раҳбари Т.Р. муқаддам Жиноят кодексининг 168-моддаси (фирибгарлик) билан судланганлиги маълум бўлган. 

Мазкур ҳолат юзасидан “А-О” фермер хўжалиги раҳбари  Т.Р.га нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.