Uztransgaz «Бунёдкор» футбол клуби устав фондидаги 61,8 фоизлик улушини ёки 715,37 миллион сўмлик улушини Давлат активларини бошқариш агентлигига ўтказади.

Бундай қарор 14 апрелда чақирилган акциядорлар кенгашининг навбатдан ташқари йиғилишида қабул қилинган.

Шунингдек, «Uztransgaz »нинг Тошкент шаҳар Яккасарой тумани Юсуф Хос Хожиб кўчаси 31 уйда жойлашган биноси ноль қийматда ДАБ Агентлигига берилади.

Бунинг эвазига агентлик Шаҳрисабз кўчаси 85 уйда жойлашган 10 қаватли биносини беради.

Буларнинг барчаси акциядорлик жамиятининг устав капиталидаги давлат улушини камайтириш учун қилинмоқда. Ҳозир компаниядаги давлат улуши 609,26 млрд. сўмни ташкил этади.

Шунингдек, йиғилишда Кузатув кенгашининг айрим аъзоларининг ваколатлари тугатилиб, янги таркиб тасдиқланди.