Венгрия бош вазири Виктор Орбан мамлакат ғарбида НАТО қўшинларини жойлаштиришга рухсат берувчи фармонни имзолади. Бу ҳақда душанба куни Reuters агентлиги хабар берди .
Унга кўра, Венгрия мамлакат ғарбида НАТО қўшинларини жойлаштиришга, шунингдек, ўз ҳудуди орқали НАТОга аъзо бошқа давлатларга қурол етказиб беришга рухсат беради.
Бироқ фармонда Венгрия ўз ҳудуди орқали Украинага ҳалокатли қуроллар етказиб беришни тақиқлаши айтилган.