Гонконг полицияси норозилик намойишчиларига қарата ўқ отган, натижада улардан бир оғир жароҳат олиб, касалхонага тушган. Ушбу воқеа бошқа намойишчилар томонидан Facebook ижтимоий тармоғида жонли эфирда узатиб турилган.
Гонконгда норозилик намойишлари деярли ҳар куни бўлиб ўтмоқда. Баъзида, намойишчилар, деярли ҳеч қандай огоҳлантиришсиз бизнес фаолиятларини тўхтатиб, ҳукуматга босим ўтказишга уринмоқда.
Полиция одатда, намойишчиларга қарата кўздан ёш оқизувчи газ ишлатарди. Лекин, намойишчилар ҳам анойи эмас, улар соябонлардан фойдаланган ҳолда ҳимояланмоқда.