Германиянинг WirtschaftsWoche бизнес журнали мақоласида муаллифлар АҚШ иқтисодиёти рецессиядан қочиб қутула олмаслигини башорат қилишди. Уларнинг сўзларига кўра, ягона савол - вақт.

Сўнгги ойларда америкаликларнинг кайфияти сезиларли даражада ёмонлашди, деб ёзади WirtschaftsWoche. «Ўртача америкалик биринчи навбатда ёқилғи қуйиш шохобчалари ва супермаркетларда сезадиган барқарор юқори инфляция одамларнинг кайфиятини бузади», дейилади материалда.

Америкалик истеъмолчиларнинг деярли учдан икки қисми, сўров натижаларига кўра, мамлакат таназзулга юз тутишидан қўрқишади. Буни иқтисодчилар ҳам айтишади.

АҚШнинг энг йирик банки JP Morgan Chase раҳбари Жейми Даймон АҚШ иқтисодиётига зарба бериши мумкин бўлган «бўрон» ҳақида эълон қилди. Тесла бош директори Элон Маск таназзулни «муқаррар» деб атади. АҚШ фонд биржаларидаги курслар бир неча ҳафта давомида доимий равишда пасайишда давом этмоқда. Облигациялар бозорларида узоқ муддатли облигациялар бўйича фоиз ставкалари тушиб кетди. Мутахассислар буни «бозорлар рецессия эҳтимолига асосланади» деган сигнал сифатида баҳоламоқда.

Баъзи иқтисодчилар АҚШ иқтисодиёти рецессияга энг кеч 2023 йилнинг биринчи ёки иккинчи чорагида киради, бошқалари эса рецессия кейинроқ содир бўлади, деб ҳисоблашади.

«Яъни, турғунлик албатта келади. Битта савол - бу қачон», деб хулоса қилди WirtschaftsWoche нашри.