Хитойнинг энг йирик ва дунёдаги энг йирик тезкор мессенжерларидан бири бўлган Тенcэнт компанияси сайтда ҳар қандай криптовалюталарни сотиш ва реклама қилишни, шунингдек, ўзгармас токенлар (NFT) билан операцияларни тақиқлади, деб ёзади South China Morning Post.

Улар белгиланган қоидаларни бузган аккаунт эгаларига, жумладан, ҳисобларни блоклаш ва ўчиришгача бўлган жазо чораларини қўллашга ваъда беришади. Аввалига мессенжер маъмурияти фойдаланувчиларга «ҳисоб қайдномасини созлаш»ни таклиф қилади.

2021 йилда Хитой Халқ банки (маҳаллий Марказий банк) криптовалюталар билан ҳар қандай операцияларни, шунингдек, уларни қазиб олишни тақиқлаб, буни ушбу турдаги активларга сармоя киритишнинг ўзгарувчанлиги ва таваккалчилиги билан изоҳлади.

WeChat хитойликлар орасида энг машҳур мессенжер бўлиб, аудиторияси бир миллиарддан ошади. Илова, шунингдек, тўловлар ва пул ўтказмаларини амалга ошириш, баъзи ҳужжатларни расмийлаштириш ва харидларни амалга ошириш имконини беради.