Дунёнинг энг бой одамлари Tesla ва SpaceX эгаси Илон Маск, Amazon асосчиси Жефф Безос ва Microsoft асосчиси Билль Гейтс 2022 йил бошидан буён 115 миллиард доллар йўқотишди. Бу баҳо Bloomberg агентлиги рейтингида берилган.
29 май ҳолатига кўра Маскнинг бойлиги 224 миллиард долларга, Безоснинг бойлиги 139 миллиард долларга, Гейтснинг бойлиги 23 миллиард долларга баҳоланган. Учинчи ўринда Louis Vuitton Moët Hennessy раҳбари Бертран Арно 133 миллиард доллар билан жой олди.
Охирги беш ойда Tesla ва SpaceX эгаси 46,4 миллиард, Microsoft асосчиси 15,1 миллиард, Бертран Арно 44,7 миллиард йўқотган. Amazon яратувчиси энг катта зарар кўрди - 53,2 млрд.
Berkshire Hathaway бош директори Уоррен Баффет кучли бешликдаги капиталини оширишга муваффақ бўлган ягона бой одам бўлди, унинг бойлиги 6,54 миллиард долларга ошиб, 115 миллиард долларга етди.
Эслатиб ўтамиз, аввалроқ Forbes Россиянинг энг бой тадбиркорлари номини эълон қилган эди. Биринчи ўринни 18,4 миллиард доллар капитали билан НЛМК ҳаммуаллифи Владимир Лисин эгаллади.
Иккинчи ўринда Норилск Никель компанияси президенти Владимир Потанин 17,3 миллиард доллар билан жой олган бўлса, Telegram асосчиси Павел Дуров 15,1 миллиард доллар бойлик билан кучли учликни якунлади.