Зангиотадаги боғча директори қарийб 1 млрд. сўм маблағни ўзлаштирган — вазирлик

Зангиотадаги боғча директори қарийб 1 млрд. сўм маблағни ўзлаштирган — вазирлик

Мактабгача таълим вазирлиги Ички аудит, молиявий ва ҳуқуқий назорат хизмати ва Бош прокуратура ҳузуридаги иқтисодий жиноятларга қарши курашиш департаменти Тошкент вилояти Зангиота туман бўлими ҳамкорлигида текширув ўтказган.

Унда Тошкент вилояти Зангиота тумани Мактабгача таълим бўлимига қарашли 16-сонли давлат мактабгача таълим ташкилотида бюджетдан ажратилган маблағларнинг мақсадли ишлатилиши текширилган. 

Натижада мактабгача таълим ташкилоти директори томонидан 2014-2020 йиллар давомида 37 нафар шахсларни турли лавозимларга расмийлаштириб, улар ҳақиқатда ишламаган бўлсаларда «ўликжон» ходимлар номига 983,5 млн сўм иш ҳақи ҳисобланиб, пластик карталар орқали ноқонуний ҳисобдан чиқарилгани аниқланган.