2020 yilda butun dunyo bo‘ylab kompaniyalar koronavirus pandemiyasi sharoitida o‘zlarining moliyaviy ahvolini yaxshilashga harakat qilib, korporativ qarzlarini 1 trillion dollarga yetkazadi. Bu haqda Janus Henderson moliyaviy xoldingi tadqiqotlariga tayanib Interfaks xabar bermoqda. 

"COVID hamma narsani o‘zgartirdi. Hozir gap kapitalni saqlash va kuchli balansni yaratish haqida ketmoqda", - dedi dunyoning 900 ta yetakchi firmalarining ma’lumotlari asosida yangi korporativ qarzlar indeksi tahlilini tayyorlagan Janus Henderson shirkati menejeri.

Janus Henderson hisob-kitoblariga ko‘ra, misli ko‘rilmagan o‘sish kuzatilib, global korporativ qarzlar 12 foizga oshib, 9,3 trillion dollarni tashkil etadi.

O‘tgan yili qo‘shilish va sotib olish, shuningdek, aksiyalar va dividendlarni qayta sotib olishni moliyalashtirish uchun firmalar tomonidan qarz olish natijasida 8% lik keskin o‘sish kuzatilgan edi.