Turinning "Yuventus" jamoasi hamda Argentina milliy terma jamoasi hujumchisi Paulo Dibala ham koronavirus yuqtirib oldi. Bu haqda futbolchining o‘zi Instagram sahifasida xabar berdi.

"Yaxshiyamki, biz o‘zimizni yaxshi his qilyapmiz. Xabarlaringiz uchun rahmat ”, - deb yozdi Dibala va do‘sti Oriana ham yuqtirganini qo‘shimcha qilib.

Avvalroq "Yuventus" a’zolari himoyachi Daniele Rugani hamda yarimhimoyachi Blez Matyuidida ham Covid-19 infeksiyasi aniqlangan edi. 

Transfermarkt ma’lumotlariga ko‘ra, Dibala Italiya chempionatining eng qimmat futbolchisi. Uning bozor bahosi €90 mlnni tashkil etadi. Joriy mavsum forvard 34 uchrashuvda maydonga tushdi, 13 ta gol urib, 12 ta golli uzatmani amalga oshirdi. Uning jamoasi 63 ochko bilan A-seriya peshqadami bo‘lib turibdi.