AQSh Bosh prokurori Uilyam Barr Amerikaning Apple kompaniyasini Rossiya va Xitoy bilan hamkorlikda ayblamoqda, deb xabar beradi RIA Novosti.
Uning so‘zlariga ko‘ra, ushbu mamlakatlar fuqarolarni kuzatishni tashkil qilish uchun ma’lumotlar markazlarini o‘zlariga topshirtirish niyatida.
"Apple kompaniyasi Xitoy Kommunistik partiyasi va Rossiya rejimi bilan ushbu mamlakatlar hukumatlari keng ko‘lamli kuzatuvni tashkil qilishi uchun ma’lumotlar markazlarini u yerga ko‘chirish uchun ishlamoqda degan ko‘plab xabarlar bo‘lyapti", - dedi Barr.
Shuningdek, u Apple kompaniyasini "demokratiya himoyachilari" tomonidan ilgari surilgan ba’zi variantlarni o‘chirib qo‘yib "senzura" va "avtoritar rejimlar bilan hamkorlik qilish" ni tashkil qilganlikda aybladi.