Braziliyada o‘tgan 24 soat ichida aniqlangan koronavirus infeksiyalari soni 15 645 tani tashkil qildi. Bu haqda mamlakat sog‘liqni saqlash vazirligi xabar qiladi.

Rasmiy statistikaga binoan mamlakatda 701 081 ta koronavirus holati tasdiqlangan. 37 991 bemor hayotdan ko‘z yumdi.

Sog‘liqni saqlash vazirligi hozirgi kunda sodir bo‘lgan o‘lim to‘g‘risida har kuni hisobotlarni taqdim etadigan statistik hisobotlarni yuritishning yangi formatiga o‘tayotgani haqida ogohlantirmoqda, shu bilan birga ilgari o‘lganlarni tahlil qilish natijalari orqaga qarab hisobga olinadi.

Braziliyaning eng yirik milliy ommaviy axborot vositalari sog‘liqni saqlash vazirligi ma’lumotlari ishonchli emas deb da’vo qilib, o‘zlarining koronavirus statistikasini tuzadilar. OAV ma’lumotlariga ko‘ra, bir kunda mamlakatda 19 631 ta infeksiya qayd etilgan, 849 kishi halok bo‘lgan.

Jahon sog‘liqni saqlash tashkiloti va Xopkins universiteti ma’lumotlariga ko‘ra, Braziliya koronavirusdan vafot etganlar soni bo‘yicha dunyoda AQSh va Buyuk Britaniyadan keyin uchinchi o‘rinni egallaydi, infeksiyalar bo‘yicha bu mamlakat AQShdan keyin ikkinchi o‘rinda turadi.