Chexiyada O‘zbekiston fuqarosi baxtsiz hodisa tufayli vafot etdi
11.06.2019 13:26,
4
TIVning Berlin shahridagi elchixonasi bergan ma’lumotga tayanib xabar qilishicha, 8-iyun kuni qurilish maydonida baxtsiz hodisa (temir plitaning qulashi) oqibatida O‘zbekiston fuqarosi 20.05.1964-yilda tug‘ilgan Urajbekov Alijon vafot etgan.
Qayd etilishicha, konsullik-huquqiy masalalarini joyida hal qilish uchun Chexiyaga borgan elchixona xodimiga mazkur fakt politsiya tomonidan tasdiqlangan.
Tergov ishlari bilan Chexiya kriminal politsiyasi shug‘ullanmoqda.
Ayni paytda Praga shahridagi dafn qilish agentligi bilan birgalikda marhuning jasadini O‘zbekistonga yuborishga tayyorgarlik amalga oshirilmoqda.