Dunyoning eng boy odami iqlim o‘zgarishiga qarshi kurashish uchun 10 milliard dollar ajratishga va’da berdi
18.02.2020 16:34,
485
Amazon asoschisi Jeff Bezos iqlim o‘zgarishiga qarshi kurashga 10 milliard dollar sarmoya kiritmoqchi ekanligini aytdi, deb xabar beradi Interfaks.
Xabar qilinishicha, biznesmen "Bezos Earth Fund" nomli jamg‘arma tashkil etilishini e’lon qilgan. U orqali olimlar, faollar va atrof-muhit masalalari bilan shug‘ullanuvchi jamoat tashkilotlarining faoliyatini moliyalashtiradi.
"Iqlim o‘zgarishi sayyoramiz uchun eng katta tahdiddir. Men boshqalar bilan ishlashda mavjud bo‘lgan usullarni takomillashtirishni va sayyoramizdagi iqlim o‘zgarishining halokatli ta’siriga qarshi kurashish uchun yangi usullarni o‘rganishni istayman” dedi u.