Gonkong hukumati Xitoyga ekstraditsiya qilish haqidagi qonunni qabul qilmaslikka ahd qildi. Bu haqida New York Times gazetasi xabar bermoqda.
“So‘nggi ikki oy ichida ro‘y bergan voqealar Gonkong xalqini larzaga keltirdi va qayg‘uga soldi", dedi hukumat rahbari Kerri Lam chorshanba kungi sakkiz daqiqali televizion bayonotda. “Hammamiz umumiy uyimiz — Gonkong haqida juda tashvishdamiz. Barchamiz umid qilamizki, hozirgi qiyin damlardan chiqish yo‘lini topamiz”.
Ushbu qonun iyun oyida qabul qilingan edi va u hududdagi shu paytga qadar bo‘lgan eng katta namoyishlarga sabab bo‘lgandi.