O‘zbekiston musulmonlari idorasi tasarrufidagi Hadis ilmi maktabiga 2020-2021 o‘quv yili bo‘yicha o‘qishga kirish istagida bo‘lgan abituriyentlar uchun joriy yilning 1-13 iyun kunlari davomida bepul masofaviy tayyorlov kursi tashkil etilmoqda.
Musulmonlar idorasi matbuot xizmatining ma’lum qilishcha, tayyorlov kursi uchun abituriyentlardan hujjatlar 2020 yilning 2 iyuniga qadar [email protected] elektron pochta yoki telegramdagi @HIM_tayyorlovkursiBot manzili orqali qabul qilinadi.
Eslatib o‘tamiz, mazkur tayyorlov kursiga faqat o‘rta maxsus islom ta’lim muassasasini bitirgan abituriyentlar ishtirok etishlari mumkin.
Taqdim etiladigan hujjatlar:
- pasportning elektron nusxasi
- o‘rta maxsus islom ta’lim muassasasini bitirganligi haqida hujjatning elektron nusxasi
Tayyorlov kursi quyidagi fanlardan bo‘lib o‘tadi:
- Hadis istilohlari
- Hadis sharhlari
- Arab tili
Tayyorlov kursi abituriyentlari uchun dars mashg‘ulotlarini Hadis ilmi maktabi o‘quv jarayonlariga Misr Arab Respublikasining nufuzli Al-Azhar universitetidan jalb etilgan 2 nafar professor-o‘qituvchilar Hadis ilmi fanlari doktori Mahmud Abdulloh Abdurrahmon va Balog‘at va munozara fanlari doktori Ali Saad Ali Saad hamda Maktabni malakali o‘qituvchilar tomonidan olib boriladi.
Murojaat uchun telefon: (+99866) 240-20-51.