Hindistonning poytaxti Dehlidagi musulmonlarga qilingan hujum oqibatida 20 kishi hayotdan ko‘z yumdi va o‘nlab odamlar jarohatlandi. BBC News xabariga ko‘ra, uchinchi kun hindlar va musulmonlar bir-birini hujumlarda ayblashmoqda.
Hindlar musulmonlarni tayoqlar bilan o‘rab olib, hindlarning diniy shiorlarini baqirib aytishda majburlab kaltaklashgan.
OAV ma’lumotlariga ko‘ra, to‘qnashuvlar natijasida kamida ikkita masjid vayron bo‘lib, 189 kishi jabr ko‘rgan.
Eslatib o‘tamiz, o‘tgan yilning dekabrida Hindiston hukumati qo‘shni davlatlardan kelgan muhojirlarga diniy e’tiqodi asosida fuqarolik berish to‘g‘risidagi qonun (musulmonlarga fuqarolik berish to‘xtatilgan) qabul qilingandan buyon tartibsizliklar davom etmoqda.