Amazon aksiyalari qimmatlashuvi fonida dunyoning eng boy odami Jeff Bezosning boyligi rekord darajaga 180 milliard dollarga yetdi. Bu haqda Forbes jurnali xabar bermoqda.
Jurnal ma’lumotlariga ko‘ra, 8 iyul kuni Amazon shirkatining bozor bahosi $1,52 trln. ga yetdi. Onlayn riteylerning 11 % aksiyalariga egalik qiluvchi Bezosning boyligi $181,5 mlrd. ni tashkil etmoqda. Bu esa Forbes milliarderlar ro‘yxatini tuza boshlagan vaqtdan beri eng yuqori ko‘rsatkichdir.
Nyu-York fond birjasi yopilayotgan vaqtda Amazon'ning bir dona aksiyasi $3 081,11 edi, u bir kunda 2,7% ga qimmatladi. Dushanba kuni Amazon shirkatining kapitalizatsiyasi ilk marotaba $1,5 trln. ga yetgan edi.