«Putinning do‘stlari» offshor operatsiyalarda millionlab dollarlar o‘tkazgani ma’lum bo‘ldi

«Putinning do‘stlari» offshor operatsiyalarda millionlab dollarlar o‘tkazgani ma’lum bo‘ldi

Xalqaro jurnalist-tadqiqotchilar ittifoqi (ICIJ) va BuzzFeed News AQSh Moliya vazirligining Moliyaviy jinoyatlarga qarshi kurashish tarmog‘ining (FinCEN) hujjatlarini ko‘rib chiqdi.

«Vajnie istorii» ning yozishicha, Moliya vazirligi hujjatlarida rossiyalik ishbilarmonlar tomonidan o‘tkazilgan bitimlar mavjud. Nashr hujjatlarga havola qilib, milliarderlar va kompaniyalar "millionlab dollarlarni Vladimir Putinga yaqin odamlarga o‘tkazgan" deb da’vo qilmoqda.

FinCEN "sandig‘idan chiqqan qog‘ozlar" 2000-2017 yillarda banklar AQSh Moliya vazirligiga yuborgan 2500 dan ortiq hisobotlar bo‘lib chiqdi. Gap ikki trillion dollardan ($2 trln) ortiq bo‘lgan shubhali operatsiyalar haqida ketmoqda.

Shunday qilib, jurnalistlar fikriga ko‘ra, Aleksey Mordashovning «Severstal» guruhi kompaniyalari bilan bog‘liq bo‘lgan kiprlik Dulston Ventures, 2010 yilda Sandalwood Continental'ga $830 ming o‘tkazgan. Sandalwood, o‘z navbatida, musiqachi Sergey Roldugin bilan bog‘liq.

FinCEN hujjatlarida 2006-2008 yillarda Rossiya Federatsiyasi prezidentining maslahatchisi Valentin Yumashev Britaniya Virjiniya orollaridan Epion Holdings Ltd. kompaniyasidan olgan olti million dollarni topish ham mumkin edi, deyishadi mualliflar.

Ushbu kompaniya Alisher Usmonovga tegishli, pul "xizmat shartnomasi" asosida ikki yilga o‘tkazilgan, deb yozmoqda «Vajnie istorii».

Tergovda Rossiyaning MTS telekommunikatsiya kompaniyasi 2015 yilda Ozarbayjonning sobiq Milliy xavfsizlik vazirining o‘g‘li bilan aloqador bo‘lgan firma uchun bir nechta transfertlarda to‘lagan $5,3 mln haqida ham eslatib o‘tilgan.

Britaniyaning Virjiniya orollaridagi ofshor Caspian Telecommunications Ltd "deyarli to‘liq qorong‘ilashishiga qaramay", Ozarbayjon aloqa bozorining muhim ishtirokchisiga aylandi, deb yozadi «Vajnie istorii». MTS nashrga "kompaniyaning Ozarbayjonda biznesi yo‘q va hech qachon bo‘lmagan" deb aytgan. Ushbu to‘lovlar 2013 yil dekabrdagi xalqaro aloqa xizmatlari shartnomasi asosida amalga oshirildi, deya tushuntiradi kompaniya.

Tergovda shuningdek, Moskva viloyati gubernatori Andrey Vorobyovning ukasi Maksim Vorobyov; 2007 yilgacha Moskva vitse-meri Iosif Ordjonikidze (u "Moskva Siti" loyihasining tashabbuskorlaridan biri bo‘lgan); Gazprombank birinchi vitse-prezidenti Igor Rusanov va bankka yaqin bo‘lgan offshor kompaniya ham oshkor bo‘ladi. 

BBC rus xizmati FinCEN hujjatlarida rossiyalik milliarderlar AQSh va Yevropa Ittifoqi tomonidan kiritilgan sanksiyalarni qanday qilib chetlab o‘tish uchun G‘arb banklaridan foydalanganliklarini ko‘rsatib beradi "(xususan, Arkadiy Rotenberg Londondagi Barclays banki yordamida sanksiyalardan qochgan bo‘lishi mumkin). ICIJ vakili Fergus Sheyela, 2 trillion dollarlik operatsiyalar "ushbu davrda yuborilgan hisobotlarning kichik bir qismi" ekanligini aytdi (iqtibos Bi-bi-sidan).

ICIJ bu yerda tergovning o‘zi haqida batafsil yozadi (maqola ingliz tilida).