Avval ma’lum qilinganidek, bugun AOKA huzuridagi shtabda Sanitariya-epidlemiologiya nazorati davlat inspeksiyasi boshlig‘i Nurmat Otabekov ishtirokida brifing o‘tkazildi.
Unda muhim savol va murojaatlar yuzasidan javob qaytarildi:
Savol: Vodiylikmiz, Zomin sanatoriysiga yo‘llanma olganmiz. Shaxsiy mashinada borsak bo‘ladimi?
Javob: Agar «putyovka»ngizda pasport ma’lumotlari, Zomin sanatoriysida davolanish uchun shifokor tomonidan berilgan sanator-kurort kartasi hamda 3 kun oldin koronavirusga topshirilgan test natijalari ko‘rsatmalari bo‘lsa, bemalol borishingiz mumkin.
Savol: Yevropalik mutaxassislar koronavirus infeksiyasining agressivligi mart oyiga qaraganda havo isishi tufayli pasayganini aytishmoqda. O‘zbekistonda ahvol qanday?
Javob: Boshqa davlatlardaki kabi O‘zbekistonda ham kasallik birmuncha kamayganini kundalik kuzatuvlardan ko‘rib boryapmiz. Bunga virus agressivligining pasayishi emas, aksincha insonlarda shu virusga nisbatan «o‘zini-o‘zi himoya qilish» ya’ni kurashish qobiliyati paydo bo‘lgani va virusga nisbatan betinim olib borilayotgan karantin choralari sabab bo‘lmoqda.
Ob-havoning isib ketishi ham qaysidir darajada ta’sir etgan bo‘lishi mumkin.